Gjykata e Apelit e Kosovës ka njoftuar se do të zbatojë një orar të reduktuar pune duke filluar nga sot, si rezultat i vendimit të Këshillit Gjyqësor të Kosovës (Nr. 261/2025, datë 27 qershor 2025) dhe për shkak të paralajmërimeve nga institucionet kompetente lidhur me temperaturat ekstremisht të larta. Ky vendim është bërë i ditur edhe përmes faqes zyrtare të Gjykatës së Apelit në Facebook.